Súlur

Súlur er 29 km fjallahlaup með 1410 m hækkun. Krefjandi hlaup en á flestra færi með góðum undirbúningi.

Hlaupið hefst í Kjarnaskógi, þaðan er hlaupið upp á hamrana fyrir ofan skóginn þar sem er frábært útsýni yfir bæinn og fjörðinn. Þaðan er hlaupið að Súlubílastæði og því næst haldið áfram stikaða gönguleið upp á fjallið Súlur. Á toppi Súlna er snúningspunktur og sama leið hlaupin til baka að Súlubílastæði. Frá Súlubílastæði liggur leiðin yfir Glerárgil og fylgir svo nýlegum stíg sem kenndur er við Fallorku meðfram Glerá að Hlíðarbraut. Farið er yfir Hlíðarbraut og haldið áfram meðfram Glerá að Háskólanum á Akureyri. Að lokum eru síðustu 2–3 kílómetrarnir hlaupnir meðfram götum bæjarins niður í miðbæ Akureyrar þar sem hlaupið endar.

Hér er hægt að sækja gpx skrá af leiðinni.

Einnig er hægt að sækja skrána í Garmin Connect þar heitir hún SV2023 Súlur 29km

 

Rástími

  • Hlaupið hefst í Kjarnaskógi kl. 10.00
  • Rútur fara frá Hofi í Kjarnaskóg kl. 9.15

Tímamörk

  • Miðað er við að hlauparar geti klárað hlaupið á sjö klukkutímum, sem gefur um það bil 300 ITRA stig.
  • Til að ná tímatakmörkum verða hlauparar að vera farnir út af drykkjarstöð á Súlubílastæði á innan við 5 klst og 15 mín eða kl.15.15. Þeir hlauparar sem ná ekki þessum tímatakmörkum þurfa að hætta í hlaupinu. Þessi regla á við um alla þátttakendur og er ekki hægt að semja við starfsmenn á staðnum um aðra kosti.

Verð

Skráningarfrestur: 25.07.2024, 23:59

  • 16.300 kr. (Verð til 31.01.2024 23:59)
  • 18.500 kr. (Verð til 01.06.2024 23:59)
  • 21.750 kr. (Fullt verð)

 

Skyldubúnaður

  • Brúsi/glas 0,5 l lágmark (ekki verða nein glös á drykkjarstöðvum)
  • Sími með næga hleðslu og neyðarnúmerið 112 vistað inn ásamt símanúmeri hlaupastjóra: 822 4115
  • Álteppi að lágmarksstærð 130 x 200 cm
  • Teygjuband/teip (100 x 5 cm)

Eftirfarandi gæti bæst við sem skyldbúnaður ef veðurspá verður slæm, verður gefið út tveimur dögum fyrir hlaup

  • Jakki
  • Buff/húfa
  • Vettlingar

Stafir: Leyfilegt er að hlaupa með stafi en reglan er sú að þá þarf að hlaupa með þá allt hlaupið - þú byrjar með stafi - endar með stafi.

Þátttakendur þurfa, á meðan hlaupinu stendur, að hafa skyldubúnað á sér og vera viðbúnir því að starfsmenn hlaupsins óski eftir því að sjá búnaðinn áður en keppni hefst, meðan á henni stendur og í endamarki. Ef skyldubúnað vantar er tímavíti (15–60 mínútum bætt við lokatíma viðkomandi sem fer eftir hve mikinn skyldubúnað vantar). Hægt er að vísa þátttakanda úr keppni ef mikinn skyldubúnað vantar.

Drykkjarstöðvar

  • Á Súlubílastæði eftir 10 og 21 km: Vatn og næring
  • Á Fallorkustíg eftir 25 km: Vatn, sjálfsafgreiðsla