Fálkinn

Fálkinn er 19 km stígahlaup með 530 m hækkun. Skemmtileg leið sem flestir ráða við.

Hlaupið hefst í Kjarnaskógi. Þaðan er hlaupið upp á hamrana fyrir ofan skóginn þar sem er frábært útsýni yfir bæinn og fjörðinn. Hlaupið er að skátaskálanum Fálkafelli og þaðan niður á Súlubílastæði. Frá Súlubílastæði liggur leiðin yfir Glerárgil og fylgir svo nýlegum stíg sem kenndur er við Fallorku meðfram Glerá niður að Hlíðarbraut. Farið er yfir Hlíðarbraut og haldið áfram meðfram Glerá að Háskólanum á Akureyri. Að lokum eru síðustu 2–3 kílómetrarnir hlaupnir meðfram götum bæjarins niður í miðbæ Akureyrar þar sem hlaupið endar.

Hér er hægt að sækja gpx skrá af leiðinni.

Einnig er hægt að sækja skrána í Garmin Connect þar heitir hún SV2023 Fálkinn 19km

Rástími

• Hlauparar verða ræstir í nokkrum hópum eftir áætluðum tíma, hröðustu hlaupararnir fyrstir kl. 11.30 og aðrir hópar þar á eftir með nokkurra mínútna millibili.
• Rútur fara frá Hofi í Kjarnaskóg kl. 10.45-11.00.

Tímamörk

• Miðað er við að hlauparar geti klárað hlaupið á fjórum klukkutímum.

Verð

Skráningarfrestur: 25.07.2024, 23:59

• 12.750 kr. (Verð til 31.01.2024 23:59)
• 14.450 kr. (Verð til 01.06.2024 23:59) 
• 17.000 kr. (Fullt verð) 

Skyldubúnaður

Skyldubúnaður er enginn. En ef hlauparar ætla að nýta sér drykkjarstöðina á Súlubílastæði þurfa þeir að hafa brúsa eða glas meðferðis. Leyfilegt er að hlaupa með stafi en þeir þurfa þá að vera með alla leið frá upphafi til enda hlaups.

Drykkjarstöðvar

• Á Súlubílastæði eftir 10 km: Drykkir og næring
• Á Fallorkustíg eftir 15,5 km: Vatn, sjálfsafgreiðsla