Spurningar? Við setjum helstu svör hér

Ef þú finnur ekki svarið... sendu okkur línu á info@sulurvertical.com

Hitt og þetta

Skyldubúnaður

Já þetta eru ekki bara hlaupaskórnir sem þú þarft... en lítið annað. Kynntu þér vel skyldubúnað. Allir þurfa hið minsta að vera með krumpuglas eða brúsa af einhverju tagi til að fá sér drykki á drykkjarstöðvum

Umgengni

Við skiljum ekkert eftir í brautinni nema blóð svita og tár. Orkugel og umbúðir er best að stinga í vasa, nú eða bara troða á góðan stað innanundir hlaupafötin.

Marksvæðið

Þegar þið komið í mark fáið þið ykkur hressingu og getið nálgast töskuna ykkar. Skellið í ykkur næringu, knúsið vini og ættingja og drekkið svo í ykkur stemmninguna, hvetjið aðra hlaupara og njótið augnabliksins.

Númerið

Númerið þarf að vera á réttum stað svo tímatökubúnaðurinn geti lesið flöguna á bakhlið númersins. Númerið á að vera að framan. Nælt neðarlega í bol eða í númerabelti. Ekki hengja númerið í vesti/bakoka eða á lærið.

ITRA Stig

Allir keppendur frá ITRA stig fyrir hlaup í Súlur Vertical. Við sendum niðurstöður til ITRA að hlaupi loknu, það tekur að jafnaði 2-3 vikur að vinna úr niðurstöðunum. ITRA sér alfarið um úrvinnsluna og birtir stig keppenda.

Umferðarreglur

Hægri reglan gildir í keppnisbraut. Keppendur skulu halda sig til hægri í stígum og slóðum og taka frammúr vinstra megin við hægari hlaupara. Þar sem stígar eru þrögir og hlauparar mætast skal hlaupari á uppleið víkja til hægri fyrir hlaupara sem er að koma á móti.

Skilmálar

#1

Þátttakendur sem afskrá sig fyrir 1. júní eiga rétt á endurgreiðslu á 80% af skráningargjaldi. Þátttökugjald verður ekki endurgreitt vegna afskráninga eftir 1. júní en hægt er að nafnabreyta þar til afhending gagna hefst.

#2

Ekki er unnt að færa skráningu fram á næsta ár.

#3

Ef aflýsa þarf viðburðinum, með meira en eins sólarhrings fyrirvara, vegna ófyrirsjáanlegra atburða, svo sem náttúruhamfara, veðurs, farsótta o.s.frv. hefur mótshaldari heimild til að halda eftir allt að 50% af þátttökugjaldinu til að mæta kostnaði við mótshaldið. Þurfi að aflýsa hlaupinu af sömu ástæðum með minna en eins sólarhrings fyrirvara hefur mótshaldari heimild til að halda eftir allt að 75% af þátttökugjaldinu til að mæta kostnaði við mótahaldið.

#4

Verði hlaupið fært til innan dags eða til næsta dags verður þátttökugjaldið ekki endurgreitt.

#5

 Allar myndir sem teknar eru af ljósmyndurum mótsins af þátttakendum þess, áskilur mótshaldari sér rétt til að nota í markaðs- og kynningarefni.

Bestu tímar