SulurVertical Logo-5.png
PEDR6719.jpg
unnamed (1).png

Súlur Vertical 28 er 28.8 km fjallahlaup með 1400 metra hækkun þar sem hlaupið er upp á bæjarfjallið Súlur.

Hlaupaleiðin 

Hlaupið hefst í Kjarnaskógi, þaðan er hlaupið upp á hamrana fyrir ofan Akureyri þar sem er frábært útsýni yfir bæinn og fjörðinn. Þaðan er hlaupið að Súlubílastæði og því næst haldið áfram stikaða gönguleið upp á fjallið Súlur. Á toppi Súlna er snúningspunktur og sama leið hlaupin til baka að Súlubílastæði. Leiðin liggur þaðan yfir Glerárgil og fylgir svo nýlegum stíg kenndan við Fallorku meðfram Glerá. Farið yfir Hlíðarbraut og haldið áfram meðfram Glerá að Háskólanum á Akureyri. 

Að lokum eru síðustu 2-3 kílómetrarnir hlaupnir meðfram götum bæjarins niður í miðbæ Akureyrar þar sem hlaupið endar.

HG__1697.JPG
644A7516.jpg
bib_2021_28.png

​Skráning hefst 14. janúar 2022 og lýkur 26. júlí 2022

Rásmark

Staðsetning: Í Kjarnaskógi rétt fyrir ofan Kjarnakot. Hér er linkur á Google Maps.

 

Hlaupið hefst kl.10:00

 

​Rútuferðir og samgöngur í rásmark

Keppendum er ráðlagt að skilja bíla eftir í miðbæ Akureyrar, en þeim er boðið upp á rútuferðir frá Hofi í Kjarnaskóg á laugardagsmorgun. Keppendur geta skilið eftir tösku í rásmarki sem verður svo ferjuð í endamark.

Bílastæði eru á nokkrum stöðum í Kjarnaskógi, sjá kort.

 

2 drykkjarstöðvar eru á leiðinni

  1. Súlubílastæði eftir 10 km 

  2. Súlubílastæði eftir 20,6 km - Tímamörk:  5 klst og 15 mín klst frá ræsingu (út af drykkjarstöð)

 

Einnig eru margir lækir á leiðinni sem hægt er að drekka úr og/eða fylla á brúsa.

Aðstoð frá utanaðkomandi aðila verður ekki leyfð utan drykkjarstöðva.

Brautarvarsla 

Brautarvarsla verður við gatnamót innanbæjar á Akureyri en að öðru leyti er gert er ráð fyrir að keppendur kynni sér leiðina vel og leiðin verður vel merkt. 

GPX leiðarlýsing fyrir úr er að finna hér. Við mælum með að hafa leiðina (GPX) í úri/síma/GPS.

Skyldubúnaður er eftirfarandi:

Brúsi/glas 0,5 l lágmark (ekki verða nein glös á drykkjarstöðvum)

Sími 

Álteppi að lágmarksstærð 130 x 200 cm 

Teygjuband/teip (100 x 5 cm)

 

Búnaður sem gæti orðið skyldubúnaður – fer eftir veðurspá og verður ákveðinn 2 dögum fyrir hlaup:

 

Buff/húfa/vettlingar

Jakki

 

​Þátttakendur þurfa, á meðan hlaupinu stendur, að hafa skyldubúnað á sér og vera viðbúnir því að starfsmenn hlaupsins óski eftir því að sjá búnaðinn áður en keppni hefst, meðan á henni stendur og í endamarki. Ef skyldubúnað vantar er tímavíti (15 - 60 mínútum bætt við lokatíma viðkomandi sem fer eftir hve mikinn skyldubúnað vantar).

Stafir - leyfilegt er að hlaupa með stafi en reglan er sú að þá þarf að hlaupa með þá allt hlaupið  - þú byrjar með stafi - endar með stafi.

Sjúkrahjálp verður á Súlubílastæði og í endamarki.

Salerni eru við rásmark í Kjarnaskógi og einnig eru þau við Súlubílastæði og í miðbæ Akureyrar nálægt endamarki.

 

Verðlaun og keppnisflokkar

Keppt er í kvenna- og karlaflokki og veitt eru vegleg verðlaun frá 66°Norður fyrir þrjú efstu sætin í hvorum flokki. 

 

Í stuttu máli:

​Ræsing: 30. júlí 2022 kl. 10:00

Rásmark: Kjarnaskógur, Akureyri

Endamark: Ráðhústorg, Akureyri

Vegalengd: 28.8 km 

Hækkun: 1.310m

Lækkun: 1.440m

ITRA punktar: 1

Tímamörk: 07:00

​Áætlaður tími fyrsta keppanda í mark: 12:15

sulur28.jpg